Vetrarhátíð við mývatn

Vetrarhátíð við Mývatn er einstakur viðburður á landsvísu þar sem fjölbreyttar hefðbundnar og óhefðbundnar vetraríþróttir eru stundaðar úti í náttúrunni. Við hvetjum alla gesti til að heimsækja Mývatn og nágrenni og njóta þess sem náttúran hefur upp á að bjóða dagana 3.-12. mars 2023! 

Það eru frábær tilboð í gistingu, bað og vélsleðaferðir á meðan hátíðin stendur yfir. Lærðu að dorga með heimamönnum, kíktu á sleðahundana hjá Snow dogs, fáðu þér eitthvað gott að borða og skoðaðu náttúruundur svæðisins. Það er af nógu að taka! Gönguskíðaspor verða víðsvegar um svæðið og skíðalyftan í Kröflu opin svo lengi sem að veður og færð leyfir.

Fólk er hvatt til þess að taka með sér gönguskó, gönguskíði og svigskíði og njóta alls sem svæðið hefur upp á að bjóða á sínum forsendum. 

Sjáumst 3.-12. mars 2023! 
 

Hið árlega hestamót Mývatn Open-Hestar á ís er haldið 

við Sel-Hótel Mývatn.

Á föstudegi er boðið uppá reiðtúr út á vatnið í umsjón hestamannafélagsins Þjálfa. Öllum er frjálst að taka þátt að kostnaðarlausu. Reiðtúrinn hefst klukkan 16:30 og er áætlaður um 2 tímar.
 

Á laugardegi hefst mótið klukkan 10:00. 

Íslandsmeistaramót Sleðahundaklúbb Íslands

Íslandsmeistaramót Sleðahundaklúbbs Íslands á hundasleða og skijoring.

Keppt verður í mörgum greinum sem fer eftir fjölda hunda og vegalengd á hundasleða eða skíðum.    

Keppnin verður hjá Snow Dogs í Vallholti.

Spennandi keppni fyrir alla aldurshópa! 

Skráning er á heimasíðu Sleðahundaklúbbs Íslands.   http://www.sledahundar.is/ 

Hin goðsagnakennda keppni Mývatnssleðinn er haldin á tveggja ára fresti.
Til að geta keppt þarf að hafa 2 keppendur í hverju liði sem smíða sér sleða og komast frá upphafi til enda með hann (ath. ekki má nota vél né dýr).
 

Keppninni er skipt í 4 hluta sem gefin eru stig fyrir, stigagjöfin er frá einum upp í fimm.

1. Hraðabrautarkeppni (lengri braut, tveir hringir).

2. Þrautabrautarkeppni (stutt braut, einn hringur).

3. Hönnun og útlit.

4. Vinsælasti sleðinn.

​

Snocross

Nú skal endurvekja gamla Mývatns mótið! Misstirðu af keppninní Kröflu árið 2022? Engar áhyggjur, það verður hvergi slegið af í ár og mótshaldarar lofa þrusu keppni!

Veiðifélag Mývatns er elsta veiðifélag landsins, en það var stofnað 7. febrúar árið 1905 á fundi sem haldinn var á Geiteyjarströnd. Félagsmenn eru skráðir eigendur/ábúendur jarða og landareigna sem land eiga að Mývatni. Verkefni félagsins, samkvæmt samþykktum, er að viðhalda góðri fiskgengd á félagssvæðinu og stuðla að sjálfbærri nýtingu fiskstofna. Félaginu ber einnig að vernda vistkerfi vatnafiska á félagssvæðinu og koma í veg fyrir að verklegar framkvæmdir eða önnur starfsemi skaði lífríki þess.

​

Að dorga er ótrúlega góð skemmtun, leyfðu heimamönnum að kenna þér réttu handtökin! Þú þarft ekki að hafa neitt meðferðis nema góða skapið og hlý föt!